د هندي ځواکونو په لاس په کشمير کې د يوې وسله والې ډلې د مشر سبزار احمد تر وژل کېدو وروسته نن هم په ټول کشمير کې اعتراضونه روان دي.
لاريون كوونكو د خپل وژل شوي مشر د وژنې په غبرګون کې له پوليسو سره نښته كړې ده.
په هندي کشمير کې ټول کاروباري مارکېټونه تړلي او رسمي دفترونه هم رخصت اعلان شوي دي.
دوه ورځې وړاندې قهرجنو لاريون کوونکو له پوليسو سره په نښته کې خپل ۱۲ اعتراض کوونکي له لاسه ورکړل او پر پوليسو يې تور پورې کړ، چې پر اعتراض کوونکو يې ډزې کړې دي.
