د روسيې او ترکيې جمهور رئيسانو ټيليفوني خبرې كړي او پر دوه اړخيزو مسايلو غږېدلي دي.
د روسيې د بهرنيو چارو وزارت چارواکي وايي، چې د ويلاديمير پوتين او رجب طيب اردوغان ترمنځ ټيليفوني خبرو كې د دوه اړخيزو ستراتېژيکو مسايلو ترڅنګ په عراق او سوريه کې د داعش ډلې د ځپلو په اړه هم يو لړ سلا مشورې شوې دي.
ترکيې وروسته له هغې له روسيې سره اړيکې نږدې کړې، چې په دغه هېواد کې تر ناکامې کودتا وروسته امريکا د فتح الله ګولن له ورسپارلو انکار وکړ.
ترکيه ګولن د ناکامې کودتا تر شا بولي، خو نوموړي دا تور په كلكه رد كړى دى.
