د ننګرهار ولايتي چارواکي په دې ولايت کې د ۳۲ ټنو بې کيفيته او تاريخ تېرو توکو د سوځولو خبر ورکوي.
د ننګرهار د والي وياند عطاء الله خوږياڼي نن کليد ته وويل، د ګمرک ادارې له لوري د تېرو پنځو کلونو په موده کې نيول شوي تاريخ تېري او بې کيفيته توکي وسوځول شول .
نوموړي زياته کړه، ۳۲ ټنه تاريخ تېري او بې کيفيته درمل او خوراکي توکي د ګمرک ادارې د منسوبينو لخوا د پلټنو په مهال نيول شوي وو.
د خوګياڼي په خبره، ياد توکي د جلال اباد ښار اړوند فارم هډې سيمه کې د يو شمېر مسوولينو په حضور كې وسوځول شول.
دا په داسې حال کې ده، چې د جلال اباد ښاريانو تل له ولايتي ادارې غوښتي، چې ښار ته د بې کيفيته او تاريخ تېرو توکو د داخلېدو مخه ونيسي.
