د هلمند سيمه ييز چارواکي وايي، دافغان ګډو ځواکونو په عملياتو کې د دې ولايت په ګرمسېر او ګرشک ولسواليو کې ۱۶وسله والو طالبانو ته مرګ ژوبله اوښتې او يو شمېر سپکې او درنې وسلې يې هم له منځه وړل شوې دي.
د هلمند له ۲۱۵ميوند قول اردو څخه نن كليد ته په رالېږل شوې خبرپاڼه كې راغلي، چې ياد عمليات په تېرو ۲۴ساعتونو کې د افغان ګډو ځواکونو لخوا ددې ولايت په ګرمسېر او ګرشک ولسواليو په يو شمېر سيمو کې ترسره شوي دي، چې په پايله کې يې ۱۱وسله وال وژل شوي او ۵ تنه ټپيان دي او دغه راز د يادو عملياتو پرمهال ۶۷ کړۍ مايونونه هم کشف او چاودنه ورکړل شوې ده.
خبر پاڼه زياتوي، تېره شپه هم د افغان کمنډو ځواکونو لخوا عمليات د مرکز لښکرګاه ښار په اړندو سيمو کې ترسره شوي دي، چې په ترڅ کې يې ۲ پايې مخابرې، د ۱عدد مخابرې انتن ،۲شاجوره دکلاشنکوپ مرمۍ ،۵۰۰ فېره دافع هوا مرمۍ،۴کيلو ترياک،۳کړۍ ضد وسايط مايونه ،۱پايه مستند دافع هوا،۳فيره د راکټ انداز مرمۍ،۲۱کيلو باروت امنيتي ځواکونو ته په لاس ورغلي دي.
وسله والو طالبانو تر اوسه په دې اړه څه نه دي ويلي.
