په لغمان ولايت کې پرون د سېلاب پنځه په نوم د افغان ګډو ځواکونو د تصفيوي عملياتو په درېيمه ورځ د دولت ۲۱ وسله وال مخالفين ووژل شول.
د لغمان ولايت مقام مطبوعاتي دفتر څخه خپره شوې خبرپاڼه كې راغلي، چې په پرونيو عملياتو كې نوره، قصبه، ګمبه، سلينګار او بديع اباد کلي تصفيه او ترڅنګ يې د علينګار ولسوالۍ په بصرام، شهيد بابا، شهباز قلعه، قلعه تک او حيدر غر سيمو کې عمليات دوام لري.
سرچينه زياتوي، چې په يادو عملياتو کې د ۲۱ وسله والو د وژل کېدو ترڅنګ د مخالفينو دوه عرادې پيکپ موټرونه، ۸ عرادې موټر سايکلونه او يو ميل هاوان ويجاړ او له منځه وړل شوي دي.
د سرچينې په خبره، په دغو عملياتو کې افغان ګډو ځواکونو ته هېڅ زيان نه دى اوښتى، په لوړ مورال او بشپړې همغږۍ پر مخ روان دي.
د دولت وسله والو مخالفينو تراوسه په دې اړه رسنيو ته څه نه دي ويلي.
