د ننګرهار امنیتي چارواکي وایي، خوږیاڼو ولسوالۍ لپاره یې د وسله والو طالبانو نومول شوی ولسوال وژلی دی.
د ننګرهار د امنیې قومندانۍ مطبوعاتي مسوول حضرت حسین مشرقیوال کلید ته وویل، چې تېره شپه د خوږیاڼو ولسوالۍ په کوز بیار سیمه کې د یادې ولسوالۍ لپاره د وسله والو طالبانو نومول شوي ولسوال وفیع الله چې مشهور په عمر و، د سیمې له خلکو سره نښته کړې، پر وخت امنیتي ځواکونه سیمې ته رسېدلي چې د نښتې پرمهال دغه نومول شوی ولسوال وژل شوی او یو بل وسله وال ټپي شوی دی.
نوموړی وایي، په دغه نښته کې د سیمې خلکو او افغان ځواکونو ته هۍڅ زیان نه دی اوښتی.
وسله والو طالبانو تر اوسه په دې اړه رسنیو ته څه نه دي ویلي.
