د حزب اسلامي مشر ګلبدين حكمتيار وايي، دى د جنګي مجرمينو د محاكمې غوښتنه نه كوي، ځكه په وينا يې افغان حكومت كمزورى دى او داسې عادلانه محكمه نه شته چې جنګي مجرمين محاكمه كړي.
حكمتيار زياتوي، كه څه هم دى په اصولو كې د جنګي مجرمينو په نامه د چا د محاكمې پلوى نه دى خو زياتوي چې بيا هم د دغه محاكمې لپاره يوه پياوړي حكومت او يوې عادلانه محكمې ته اړتيا ده.
په ورته وخت كې له حكمتيار وروسته يوشمېر نورو سياسي او جهادي مشرانو هم په دې ټينګار كاوه چې بايد تېر هير شي او په هيواد كې د تلپاتې سولې او ثبات د ټينګښت لپاره سره يو لاس او هيواد له اوسني كړكيچ څخه وژغورو.
