د ننګرهار ولايت چپرهار ولسوالۍ کې د داعش او طالب وسله والو خپلمنځي نښته کې لسګونو داعشيانو ته مرګ ژوبله اوښتې ده.
په ختيځ کې د ملي اردو د ۲۰۱ سېلاب قول ادو مطبوعاتي مسوول ډګروال شيرين اقا فقيري کليد ته وويل، له تېرو څو ورځو راهيسې چپرهار ولسوالۍ کې د داعش او طالب وسله والو ترمنځ نښتې روانې دي، چې په مهال يې ۲۷ داعش وسله وال وژل شوي او ۳ تنه نور ټپيان شوي دي.
د فقيري په وينا، د نښتو په ترڅ كې داعش وسله والو ۲۰ طالبان ژوندي نيولي دي.
داعش او طالب وسله والو تراوسه په دې اړه څه نه دي ويلي.
