چارواكي وايي، د هلمند په ګرشک ولسوالۍ کې ۲۴ تنو وسله والو مخالفينو ته مرګ ژوبله اوښتې ده.
د هلمند له ۲۱۵ميوند قول اردو څخه نن كليد ته په رالېږل شوې خبرپاڼه كې راغلي، چې وسله والو مخالفينو ته ياده مرګ ژوبله په تېرو ۲۴ ساعتونو کې د افغان هوايي ځواکونو د عملياتو په ترڅ کې اوښتې ده.
خبرپاڼه کاږي، چې ددغو عملياتو په پايله کې۱۱ تنه وسله وال طالبان وژل شوي،۱۳ تنه ټپيان شوي او۱۱ميله بېلا بېلې وسلې او ۹ عرادې موټرونه هم لمنځه وړل شوي دي.
سرچينه زياتوي چې په وژل شوو کسانو کې د وسله والو طالبانو نظامي مسولين هم شامل دي، خو وسله والو طالبانو په دې اړه لا تراوسه څه نه دي ويلي .
