د ننګرهار ولايت په چپرهار ولسوالۍ کې د هوايي بريد له كبله ۱۰ وسله والو طالبانو ته مرګ ژوبله اوښتې ده.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، چې تېره شپه يې د چپرهار ولسوالۍ په ماڼو سيمه کې د هوايي بريد په ترڅ كې د وسله والو طالبانو يو ګروپ په نښه کړى، چې له كبله يې اته طالبان وژل شوي او دوه تنه نور ټپيان دي.
نوموړي زياته كړه، په دې بريد كې د وسله والو طالبانو يو ډاډسن ډوله موټر هم له منځه وړل شوى دى.
وسله والو طالبانو تراوسه په دې اړه رسنيو ته څه نه دي ويلي.
