جمهور رييس محمد اشرف غني وايي، د ملي يووالي حکومت ژمن دی چې په ټوليز ډول بنسټيز اصلاحات رامنځته کړي.
جمهور رييس غني چې نن يې د روسانو د يرغل پر وړاندې د افغان جهاد د برياليتوب د ۲۵ کليزې په مناسبت خبرې کولې ټينګار وکړ، که په راتلونکو دوو کلونو کې په حکومت کې اساسی بدلونونه رامنځته نه شي دا وېره شته چې راتلونکي څلور نسلونه په بحران کې ژوند وکړي.
جمهور رييس ټينګار وکړ چې ملت نور په حکومتي ادارو کې له فساد ستړی شوی او په شاهين قل اردو د بريد ټپيانو هم ورته ويلي دي چې د فساد مخه ونيسي.
