د اروزګان دکډوالو او راستنېدونکو چارو رياست او د خوارک نړيوال سازمان (WFP) په همکارۍ له څه باندې ۱۷۰۰ بې ځايه شويو کورنيو سره دخوراکي توکو مرسته وشوه.
د کډوالو او راستنېدونکو چارو وزارت وايي، چې دغه کورنۍ د شهيد احساس، خاص اروزګان، چنارپور، چوره او د ګيزاب ولسواليو نه د ياد ولايت مرکز ته راکډه شوې دي.
ددغه وزارت لخوا رسنيو ته په استول شوې خبرپاڼه کې راغلي، چې دغه خوراکي مرستې د تېرې يوې اونۍ په موده کې په يادو کورنيو ووېشل شوې.
سرچينه زياتوي، چې ددغو مرستو له ډلې هرې کورنۍ سره ۲۰۰ کيلوګرامه اوړه، ۱۴ ليتره غوړي او يوه کيلو مالګه مرسته شوې.
