د امريکا په کلفورنيا ايالت کې د ډزو په نتيجه کې درې کسان وژل شوي او پوليسو بريد کوونکى نيولى دى.
امريكايي رسنۍ وايي، ياده پېښه پرون د کلفورنيا ايالت فريسنو سيمه کې رامنځته شوې ده.
پوليسو د قاتل عمر ۳۹ کاله او نوم يې علي محمد ښودلى، چې تېره اونۍ د يو پوليس د وژلو په قضيه کې هم تورن پېژندل شوى و.
دا مهال له ياد کس څخه پوښتنې روانې دي، خو تراوسه ېې د بريد انګېزه نه ده معلومه.
په امريکا کې ډېر کله د نژادي تبعيض له مخې تورپوستي د سپين پوستو امريکايانو له خوا په نښه کېږي، چې ترې وروسته تورپوستي هم لاس په ورته اقدام پورې کوي.
