جمهور رييس غني د يوه فرمان په ترڅ کې، د ښې حکومتولۍ او اصلاحاتو برخه کې خپل ځانګړى استازى احمد ضياء مسعود له دندې ګوښه کړى دى.
د جمهوري رياست د وياند دفتر سرپرست شاه حسين مرتضوي کليد ته وويل، چې ښاغلی مسعود په حکومت کې د اصلاحاتو په راوستلو کې بريالی نه و، ځکه يې جمهور رييس د ګوښه کېدو پرېکړه وکړه.
که څه هم د جمهور رييس له لوري د احمد ضيا د ګوښه کولو لامل تر اوسه نه دى معلوم، خو په ټوله کې د نوموړي وروستۍ څرګندونې د حکومت پر تګلارو نيوکې وې.
احمد ضيا مسعود که څه هم د ډاکتر عبدالله د ډلې سړی و، خو د جمهوري رياست په تېرو ټاکنو کې يې له جمهور رييس غني سره ملګرتيا وکړه.
تراوسه په خپله احمد ضيا مسعود په دې تړاو غبرګون نه دی ښولی.
