اټکل دى، چې شمالي کوريا نن خپله شپږمه لويه اټومي ازموينه ترسره کړي.
دا خبر د شمالي کوريا رسنيو خپور کړى دى.
همدارنګه پرون د امريکا او شمالي کوريا د دفاع وزيرانو يو بل ته ګوتڅنډنې هم کړې دي.
خو چين بيا له دواړو هېوادونو غواړي، چې د خبرو له لارې دې ستونزو ته حل پيدا کړي.
دغه راز دوه ورځې وړاندې امريکا خپله تر ټولو ستره جنګي بېړۍ د شمالي کوريا حدودو ته ور نږدې کړه، چې د شمالي کوريا له سخت غبرګون سره مخ شوه.
شمالي کوريا ويلي، که چېرې امريکا پرې بريد وکړي، نو دغه هېواد به يې په اټومي بريد سره په نښه كړي.
