ټاکل شوې سبا په ترکيه کې په اساسي قانون کې د بدلون راوستلو لپاره ټولپوښتنه ترسره شي.
جمهور رئيس رجب طيب اردوغان غواړي د موجوده پارلماني نظام پر ځاى د جمهوري رياست نظام نافذ کړي، د لومړي وزير واک کم کړي او ټول قدرت د جمهور رئيس په لاس کې ولوېږي.
که ټولپوښتنه کې خلکو مثبته رايه وکاروله، ښايي د اردوغان واک نور هم پراخ شي.
د ټولپوښتنې يو شمېر منتقدين وايي، چې اردغان غواړي په دې سره د قدرت انحصار رامنځته او خپل صلاحيتونه لوړ کړي.
د تركيې جمهور رئيس، چې له تېرو ١١ کلونو راهيسې په واک کې دى، پخپله يوولس کلنه واکمنۍ کې يې له اروپايي اتحاديې سره اړيکې خرابې شوي او په دې اتحاديې کې د ترکيې له شاملېدو هم په شا شوى دى.
