د پکتيا ولايت د جاني خېلو ولسوالۍ په کوټکي سيمه کې تېره شپه د غوڅ ملاتړ ماموريت ځواکونو په هوايي بريد کې ۱۵ وسله وال طالبان وژل شوي دي.
د پکتيا د والي وياند عبدالله حسرت کليد ته وويل، پېښه هغه مهال رامنځته شوې، چې طالبان له سيمې د تېرېدو په حال کې وو او غوښتل يې پر امنيتي پوستو بريدونه وکړي.
د حسرت په وينا، د وژل شوو طالبانو هويت تراوسه نه دى په ډاګه شوى.
وسله والو طالبانو تراوسه په دې اړه رسنيو ته څه نه دي ويلي.
