امنيتي ځواكونو د ننګرهار ولايت په غني خېلو ولسوالۍ کې يو موټر بم کشف او شنډ کړى دى.
د ننګرهار د والي وياند عطاء الله خوګياڼي کليد ته وويل، افغان ځواكونو نن سهار شاوخوا لس بجې د غني خېلو ولسوالۍ په ۲۵مې ويالې سيمه کې عمليات کړي، چې په مهال يې په يوه کور کې ولاړ ويټز موټر، چې له چاودېدونکو توكو ډک و، ترلاسه کړى دى.
د خوګياڼي په وينا، هڅه كوي د يادو چاودېدونکو توکو د ځاى په ځاى کولو او انتقال عاملين ونيسي او د قانون منګولو ته يې وسپاري.
تراوسه پورې د دولت کومې مخالفې وسله والې ډلې په دې اړه رسنيو ته څه نه دي ويلي.
