د ملي اردو چارواکي وايي، لغمان ولايت کې يې د الماس ۲ په نوم پيل کړو عملياتو په مهال ۱۲ وسله والو طالبانو ته مرګ ژوبله اړولې ده.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، له تېرې ورځې راهيسې يې د لغمان پر مرکز سربېره يو شمېر سيمو کې د الماس ۲ په نوم ګډ تصفيوي عمليات پيل کړي، چې په ترڅ كې يې ۴ وسله وال وژل شوي او ۸ نور ټپيان دي.
نوموړي زياته كړه، په يادو عملياتو کې يې وسله والو طالبانو سره د تړاو په تور ۸ تنه نيولي، چې اوسمهال ترې پوښتنې او ګروېږنې روانې دي.
وسله والو طالبانو تراوسه په دې اړه رسنيو ته څه نه دي ويلي.
