امنيتي ځواكونو د ننګرهار ولايت اچين ولسوالۍ کې د ځانګړو عملياتو په مهال ۹ داعش وسله وال وژلي او دوه نور يې ژوندي نيولي دي.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، تېره شپه د ملي اردو کومانډو ځواکونو د اچين ولسوالۍ په ګندر پيښه سيمه کې عمليات ترسره کړي، چې په ترڅ كې يې ۹ داعش وسله وال وژل شوي او ۲ نور يې ژوندي نيول شوي دي.
د فقيري په وينا، په يادو عملياتو کې افغان ځواکونو او ولسي خلکو ته هېڅ زيان نه دى اوښتى.
داعش وسله والو تراوسه په دې اړه رسنيو ته څه نه دي ويلي.
