د خوست چارواکي وايي، متحده عربي اماراتو د خوست شېخ زايد پوهنتون سره د اته سوه زرو ډالرو مرسته وکړه.
د خوست والي حکم خان حبيبي وويل، يادې پيسې به د پوهنتون د استادانو لپاره د معياري درسي چاپېريال د برابرولو په برخه کې لګول کېږي، چې کمپيوټرونو، قرطاسيه او نور اړين توکي په کې شامل دي.
د خوست والي ټينګار وکړ چې استادانو ته د سالم درسي چاپېريال برابرول، د زده کوونکو د ظرفيت لوړولو لپاره اړين دي.
د يادولو ده، چې تېر کال شېخ زايد پوهنتون د پنځو هغو پوهنتونونو په لېست کې و چې د هېواد په کچه يې غوره اېوارډونه ترلاسه کړي وو.
