د امريکا په شيکاګو ايالت كې په دوو بېلابېلو پېښو كې د ډزو له كبله پنځه تنه وژل شوي او يو شمېر نور ټپيان دي.
چارواكي وايي، څلور تنه په يو هوټل کې د وسله وال کس له خوا په ډزو وژل شوي او همدا راز يوه مېرمن هم د وسله وال کس له لوري په بله پېښه کې وژل شوې ده.
تراوسه د وژل شوو کسانو هويت نه دى په ډاګه شوى، خو په امريکا کې ډېرکله هدفي وژنو کې تورپوستي امريکايان په نښه کېږي.
تېر کال په نيويارک او يو شمېر نورو ښارونو کې د څو تنو تور پوستو امريکايانو د وژلو په غبرګون کې پراخ لاريونونه هم وشول، چې په يو شمېر ايالتونو کې يې سخت مالي زيانونه له ځان سره لرل.
