د ملي اردو چارواکي وايي، لغمان کې يې له وسله والو طالبانو سره په مخامخ نښته کې دوه مشهور طالب قوماندانان ټپيان کړي دي.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، تېره شپه يې د لغمان ولايت د الينګار ولسوالۍ په مربوطاتو کې له وسله والو طالبانو سره مخامخ نښته کړې، چې په مهال يې د طالبانو دوه مشهور قوماندانان سخت ټپيان شوي دي.
د نوموړي په وينا، په ياده نښته کې افغان ځواکونو او د سيمې خلکو ته هېڅ زيان نه دى اوښتى.
هغه زياتوي، چې د نښتې په سيمه كې يې يو شمېر ماينونه کشف او له منځه وړي دي.
وسله والو طالبانو تراوسه په دې اړه رسنيو ته څه نه دي ويلي.
