د لغمان ولايتي چارواکي وايي، يو کس چې خپله مېرمن يې د چاقو په وسيله وژلې وه د پوليسو له لوري ونيول شو.
د لغمان د والي وياند سرحدي ځواک کليد ته وويل، نن د لس بجو په شاوخوا کې د مرکز مهترلام اړوند په صوفي کلا سيمه کې يو تن چې نصرالدين نوميږي په داسې حال کې نيول شوی، چې خپله مېرمن د چاقو په وسيله وژلې و او له سيمې څخه د تيښتې په حال کې و.
نوموړی وايي، له ياد قاتل څخه نورې پوښتنې او ګرويږنې پيل شوي، ترڅو پرې قانون پلي شي.
په لغمان کې ياده مېرمن په داسې حال کې وژل کيږي، چې له دې وړاندې تېره اونۍ د لغمان ګاونډ د ننګرهار په بهسودو کې هم يوه سړي خپله مېرمن د چاقو په وسيله وژلې وه.
