د ملي اردو چارواکي وایي، لغمان ولایت كې یې په مخامخ نښته کې درې وسله وال مخالفين وژلي دي.
په ختیځ کې د ملي اردو د ۲۰۱ سېلاب قول اردو مطبوعاتي مسوول ډګروال شیرین اقا فقیري کلید ته وویل، تېره شپه یې د لغمان مرکز اړوند په چل مټیو سیمه کې له وسله والو سره مخامخ نښته کړې، چې په مهال یې درې وسله وال وژل شوي دي.
د هغه په خبره، په یاده نښته کې افغان ځواکونو او د سیمې خلکو ته هېڅ زیان نه دی اوښتی.
د دولت وسله والو مخالفينو تراوسه په دې اړه رسنیو ته څه نه دي ویلي.
