د ملي اردو چارواکي وايي، د ننګرهار په کوټ ولسوالۍ کې يې د ځانګړو هوايي عملياتو په مهال ۱۶ داعش وسله وال وژلي دي.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، تېره شپه يې د کوټ ولسوالۍ په جنجال غونډۍ سيمه کې هوايي عمليات ترسره کړي، چې په مهال يې ۱۶ داعش وسله وال وژل شوي او لسګونه نور ټپيان شوي دي.
نوموړي زياته كړه، په دغو بريدونو کې يې د داعش وسله والو ګڼ شمېر وسلې او مهمات هم له منځه وړي دي.
داعش وسله والو تراوسه په دې اړه رسنيو ته څه نه دي ويلي.
