د ملي اردو چارواکي وايي، د کونړ ولايت په ماڼوګي ولسوالۍ کې يې د طوفان ۷۵ په نوم ګډ چاڼيز عمليات پيل کړل.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، چې نن سهار يې د کونړ ولايت د ماڼوګي ولسوالۍ په شمون سيمه کې د ملي اردو د دويمې پلې لېوا په مشرۍ له ملي، سيمه ييزو، عامه نظم او ملي امنيت سره يو ځای د طوفان ۷۵ په نوم ګډ چاڼيز عمليات پيل کړل.
نوموړی وايي، له دغو عملياتو يې موخه په سيمه کې د وسله والو ځپل دي.
وسله والو طالبانو تر اوسه د ملي اردو له لوري د پيل شويو عملياتو په اړه رسنيو ته څه نه دي ويلي.
