د افغانستان کرکټ ملي لوبډله نن د ايرلنډ لوبډلې سره خپله درېيمه شل اوريزه لوبه ترسره کوي.
دا لوبه به د كابل په وخت له غرمې وروسته يوه بجه د هند د نوي ډېلي په ګرېټر نويډا لوبغالي کې د افغانستان په کوربه توب پيل شي.
تر دې مخكې دواړو ترسره شويو لوبو كې افغانستان ايرلنډ ته ماتې وركړې وې.
پر دې سربېره افغانستان او ايرلنډ پنځه پنځوس اوريزې او يوه د لويو وچو يا انټرکانټيننټل څلور ورځنۍ لوبه هم ترسره کوي.
افغانستان به دغه راز د روان ميلادي کال په جون مياشت کې له ويسټ انډيز سره هم د درېيو شل اوريزو او پنځو پنځوس اوريزو لوبو لړۍ ترسره کړي.
