د عراق د تکريت ښار په الحجاج سيمه کې د واده په مراسمو د غبرګو ځانمرګو بريدونو له کبله لږ تر لږه ۳۰ تنه وژل شوي او ۲۶ نور ټپيان دي.
دغه حملې پرون د الحجاج کلي کې چې د بغداد د شمال لوېديځ په ۱۶۰ کېلو مترۍ کې پروت دی، شوې دي.
د پوليسو په وينا دوو بريد کوونکو چې انتحاري واسکټونه يې اغوستي وو، د واده مراسمو ته له ننوتو سره سم ځانونه والوزول.
تر اوسه د بريد مسووليت کومې ډلې نه دی منلی خو د عراق امنيتي ځواکونه يې دداعش کار بولي.
کلید ګروپ په ټویټر او فیسبوک کې وګورئ
