د ملي اردو اردو يوه سرتېري تېر مازيګر د اروزګان ولايت مركز ترينكوټ ښار د يو ځايي خبريال سردارولي سمسور پلار په ډزو وژلى دى.
په اروزګان کې د ملي اردو د څلورمې پلې لېوا قوماندان جنرال غلام حضرت کاکړ كليد ته وويل، چې د پېښې عامل نيول شوى او له قانوني چلند سره به مخ شي.
په ورته وخت كې د ملي دفاع وزارت مرستيال وياند محمد رادمنش وايي، ملي اردو د خلكو د سر او مال د ساتنې مسووليت لري، نه دا چې هغوى له ناخوالو سره مخ کړي.
د نوموړي په وينا، ملي اردو سره د قانون خلاف عمل ترسره كولو له كبله قانوني چلند كېږي.
د مدني ټولنو غړي دا پېښه په کلکو ټکو غندي او عامل ته يې د سختې سزا غوښتنه کوي.
د يادونې وړ ده، چې تر دې وړاندې هم په ترينکوټ ښار کې د ملي اردو له لوري ورته پېښې رامنځته شوې دي.
