افغانستان د اسيا د ساحلي فوټبال اتلولۍ او نړيوال جام ته د لار موندلو په سياليو کې له بحرين نه هم ماتې وخوړه.
په نننۍ لوبه كې بحرين افغانستان ته شپږ پر څلور ګولونو ماتې وركړه.
افغان لوبډلې پرون خپله درېيمه لوبه ايران ته بايللې وه.
په دې سياليو کې افغانستان خپلو لومړيو دوو لوبو كې کوربه هېواد ماليزيا او چين ته ماتې ورکړې وې.
دا لوبې د کب په ١٤مه نېټه د ماليزيا په کوالا ټرينګانو ښار کې د اسيا د ١٢ هېوادونو ترمنځ پيل او په درېيو ګروپونو وېشل شوې دي.
په الف ګروپ کې ايران، بحرين، چين، ماليزيا او افغانستان، په ب ګروپ کې عمان، لبنان او تايلنډ او په ج ګروپ کې جاپان، متحده عربي امارات، عراق او قطر شامل دي.
