د کونړ ولايت په ناړۍ ولسوالۍ کې د طوفان ۷۳ په نوم د امنيتي ځواكونو ګډ تصفيوي عمليات پيل شول.
په ختيځ کې د ملي اردو د ۲۰۱ سېلاب قول اردو مطبوعاتي مسوول ډګروال شيرين اقا فقيري کليد ته وويل، چې تېره شپه يې د کونړ ولايت په ناړۍ ولسوالۍ کې د ملي اردو د دويمې پلې لېوا په مشرۍ له ملي او سيمه ييزو پوليسو او د ملي امنيت ځواكونو سره په ګډه د طوفان ۷۳ په نوم ګډ تصفيوي عمليات پيل کړل.
د هغه په وينا، د دې عملياتو هدف د وسله والو ځپل او د هغوى له شتونه د سيمو پاكول دي.
د دولت وسله والو مخالفينو تراوسه د دغو عملياتو په اړه رسنيو ته څه نه دي ويلي.
