د لغمان ولايتي چارواکي وايي، ملي امنيت وسله والو طالبانو ته د درملو وړونکي درې تنه لاس په لاس نيولي دي.
د لغمان د والي وياند سرحدي ځواک کليد ته وويل، چې تېره شپه د ملي امنيت ځواکونو د يو لړ ځانګړو عملياتو پرمهال درې هغه کسان نيولي، چې د وسله والو طالبانو ټپيانو ته يې د لومړنۍ درملنې په موخه درمل لېږدول.
ځواک وايي، نيول شويو کسانو په خپلو جرمنو اعتراف کړی او د نورو څېړنو لپاره په ياد رياست کې تر پوښتنو او ګروېږنو لاندې دي.
وسله والو طالبانو تر اوسه په دې اړه رسنيو ته څه نه دي ويلي.
