چين وايي، د بهرنيو لاسوهنو د مخنيوي په موخه پخپله کلنۍ پوځي بوديجه کې د ۷ سلنې زياتوالي را وستلو هوډ لري.
چين دا ګام د امريکا پوځي بوديجه کې د ټرمپ له خوا د ۱۰ سلنې زياتوالي له اعلان وروسته پورته کړی دی.
د چين د خلکو ملي کانګرس وياندې فو يينګ وويل، چين له خپلو ګاونډيانو سره د ځمکې د ملکيت پرسر د اختلاف هوارولو لپاره له سوله ييزو لارو ګټه اخلي؛ خو وايي، بيجينګ بايد دا توان ولري چې له خپله ځانه دفاع وکړي.
دا په داسې حال کې ده چې د چين ګاونډيانو د جنوبي سمندر په مصنوعي ټاپوګانو کې د چين د پوځي تجهيزاتو د ډېرولو په تړاو اندېښنه ښودلې ده.
د سپوږمکيو له لارې ځينې اخيستل شوي انځورونه ښيي چې په دغو ټاپوګانو کې چين له ځمکې هوا ته د ځينو لازمو توغنديو ځای پرځای کول بشپړوي.
کلید ګروپ په ټویټر او فیسبوک کې وګورئ
