د پاکستان حکومت وايي، هغه وسله والې ډلې ترهګرې نه بلل کېږي، چې له هند سره په جګړه بوختې او دفترونه يې پاکستان کې دي.
د پاکستان د پنجاب ايالت يو چارواکي رسنيو ته ويلي، چې جېش محمد ډله په دې هېواد کې ده، خو په وينا يې، د ترهګرو ډلو لېست کې بايد شامله نه کړاى شي.
دغه پاکستاني چارواکي زياته کړې، دوى د ټولو هغو وسله والو ډلو درناوى کوي، چې هند سره په کشمير کې جنګېږي.
دا په داسې حال کې ده، چې تر دې وړاندې پر پاکستان له همدې كبله نيوکې کېدې، چې ګواکې د ښو او بدو ترهګرو ترمنځ توپير کوي.
