جمهور رييس محمد اشرف غني تېره ورځ د افغانستان او پاکستان لپاره د امريکا د ځانګړې نمايندګۍ سرپرستې مېرمن لارل ميلر سره وکتل.
د جمهوري رياست مطبوعاتي دفتر څخه خپره شوې خبرپاڼه كې راغلي، په دې کتنه کې، چې په ارګ کې وشوه، دواړو لورو د افغانستان او امريکا د مناسباتو، سولې پروسې او سيمه ييزو مسايلو په اړه بحث او خبرې وکړې.
د افغانستان او پاکستان لپاره د امريکا د ځانګړې نمايندګۍ سرپرستې مېرمن لارل ميلر افغانستان سره د خپل هېواد د همکاريو پر دوام ټينګار وکړ.
جمهور رييس غني افغانستان سره په بېلابېلو برخو کې د امريکا د مرستو او همکاريو قدرداني وکړه.
