جمهوري رياست وايي، د وګړو د احوالو د ثبت د قانون شپږمه ماده تعديل او توشيح شوه.
د جمهوررئيس مرستيال وياند دواخان مينه پال د پنجشنبې په ورځ په يوه خبري غونډه كې وويل، د دغه قانون تعديلات د پنجشنبې په ورځ د كابينې په غونډه كې توشيح شول او له توشيح وروسته ياد قانون نافذ دى.
مينه پال زياته كړه چې د يادو تعديلاتو پربنسټ به په بريښنايي پيژندپاڼو كې دين، ملت او قوم ټول وليكل شي.
دا په داسې حال كې ده چې له دې وړاندې يو شمېر كسانو په بريښنايي پيژندپاڼو كې د دين او افغان له كلمې سره مخالفت كاوه او ويل يې چې بايد د هر چا مشخص قوم پكې وليكل شي خو ځنو نورو بيا د د دين او افغان په كلمو ټينګار كاوه چې اوس دغه ستونزه حل شوه.
