د هنګري حکومت اعلان کړى، چې له سربيا سره ګډه پوله به د غير قانوني کډوالو پر مخ په بشپړ ډول وتړي.
د هنګري يو دولتي وياند تاييد کړې، چې سربيا سره ګډه پوله کې به د څار ګزمې زياتې كړي او د دواړو هېوادونو ترمنځ به د تلو راتلو بندر هم وتړي.
د نړۍ د بشري حقونو ادارو د هنګري ياده پرېکړه يوه غير انساني کړنه بللې او له اروپايي اتحاديې يې غوښتي، چې ويې نه مني.
بايد ياده شي، چې له سربيا څخه د هنګري پر لار له تېرو کلونو راهيسې لسګونه زره کډوال نورو اروپايي هېوادونو ته اوښتي، چې زرګونه يې د هنګري په کمپونو کې په موقتي توګه مېشت شوي هم دي.
