په سريلانکا کې د بنديانو د لېږد پر يو بس موټر د وسله والو په ډزو کې لږ تر لږه اووه کسان وژل شوي او يو شمېر نور ټپيان دي.
د پوليسو په وينا، په ياد بس کې دېرش بنديان سپاره وو، چې په لاره کې وسله والو درولى او ډزې يې پرې كړې دي.
پوليسو همدا راز ويلي، چې وسله والو د کمين په ترڅ کې د بنديانو د لېږد پر امنيتي موټر هم ډزې کړي او د پېښې له سيمې تښتېدلي دي.
ياد بس د کولمبو د جنوب لوري يوې محکمې ته پر لاره و، چې له بريد سره مخ شو.
دا په داسې حال کې ده، چې په تېرو ورځو کې هم په دغه هېواد کې د بنديانو د لېږد رالېږد پر موټرو وسله وال بريدونه شوي دي.
