د اردن پوځي چارواکي وايي، چې د سعودي عربستان په نجران ولايت کې يې پرون يوه جنګي الوتکه غورځېدلې ده.
د اردن د وسله وال پوځ لوی درستيز ويلي، چې ايف ۱۶ ډوله جيټ الوتکې پرون د سعودي عربستان نجران ولايت کې د تخينکي ستونزو له کبله سقوط کړی، چې پيلوټ يې ژوندی راوتلی او الوتکې تر غورځېدو وروسته اور اخيستی دی.
د پوځي چارواکو په خبره يادې الوتکې د سعودي په مشرۍ عربي اېتلاف عملياتو کې برخه لرله، چې د الوتنې لږ وروسته غورځېدلې ده.
د يادې الوتکې پيلوټ پرون شپه له سعودي عربستان څخه اردن ته رسېدلی.
نوموړي د پراشوت پر مټ له الوتکې ځان غورځولی و.
