د هلمند په ګرشګ ولسوالۍ کې د ملي اردو په پوسته په موټر بم بريد کې ۵ افغان سرتېرو ته مرګ ژوبله اوښتې.
په هلمند کې يوې امنيتي سرچينې د نوم نه ښودو په شرط کليد ته وويل، چې دغه پېښه نن غرمه شاوخوا يوه نيمه بجه رامنځته شوې.
سرچينه زياتوي، په دغه بريد کې د ملي اردو ۲ سرتېري وژل شوي او ۳ نور ټپيان دي.
له بل لوري د هلمند د والي وياند عمر ځواک هم تاييدوي چې په دغه بريد کې ۵ تنو ته مرګ ژوبله اوښتې خو د وژل شوو او ټپياڼو په تړاو دقيق معلومات نه لري.
