جمهور رييس محمد اشرف غني وايي، هغه څوک چې د افغان امنيتي ځواکونو ډوډۍ پټوي، تيل يې غلا کوي، وسلې په “دښمن” پلوري او د فساد په نورو ډولونو کې لاس لري تر قانوني تعقيب لاندې به ونيول شي.
جمهور رييس محمد اشرف غني، چې نن د مارشال قسيم فهيم په نظامي اکاډمۍ کې د نهمې دورې د افسرانو د فراغت غونډې ته ويناء کوله وويل د افغان امنيتي ځواکونو د امکاناتو نه د ناوړې ګټې اخېستنې او غلا په وړاندې مبارزه يې د حکومت په لومړيتوبونو کې ځای لري.
جمهور رييس زياته کړه هېڅ چاته به اجازه ور نه کړي چې فاسدې مافيايي کړۍ د امنيتي ځواکونو حقوق پايمال کړي.
جمهور رييس غني دا هم وويل څوک چې په فساد کې ښکيل دي تر شديد قانوني تعقيب لاندې به يې ونيسي.
