د ملي اردو چارواکي وايي، د لغمان په قرغيو ولسوالۍ کې يې د الماس ۳۸ په نوم ګډ چاڼيز عمليات پيل کړل.
په ختيځ کې د ملي اردو د ۲۰۱ سېلاب قول اردو مطبوعاتي مسوول جګړن شيرين اقا فقيري کليد ته وويل، چې نن سهار يې د لغمان ولايت قرغيو ولسوالۍ په مربوطاتو کې د لومړۍ پلې لېوا په مشرۍ له ملي، سيمه ييزو، عامه نظم او ملي امنيت سره په ګډه د الماس ۳۸ په نوم ګډ چاڼيز عمليات پيل کړل.
نوموړی وايي، له يادو عملياتو يې موخه په سيمه کې د حکومت ضد وسله والو د فعاليتونو څخه د سيمې پاکول دي.
تر اوسه پورې د حکومت وسله والو مخالفينو د پيل شويو عملياتو په اړه رسنيو ته څه نه دي ويلي.
