د عراق پايتخت بغداد کې پرون د پوليسو او اعتراض کوونکو ترمنځ ا خ و ډب کې ۷ تنه وژل شوي او له ۳۰۰ زيات نور ټپيان دي.
په وژل شويو او ټپيانو کې پوليس هم شامل دي.
ځايي رسنيو ويلي، د بغداد په شنې خونې سيمه کې اکثره ټپيان په مرميو لګېدلي، چې د ۷۹ تنو روغتيايي وضعيت نازک ښودل شوى دى.
لاريون د ټاکنو کمېسيون د ګومارلي ټيم په خلاف شوى، چې د شيعه مشر مقتدا الصدر پلويانو كړى و.
پوليسو ادعا كړې، چې له ځينو اعتراض کوونکو سره يې وسلې هم ليدلې دي .
د شنې خونې سيمې ته ټولې لارې تړل شوي او پوليس د تيارسئ په حال کې ليدل کېږي.
