د پاکستان د سند ايالت په لاړکانه کې يوه کښتۍ په سيند کې ډوبه شوې، چې له كبله يې لس تنه تري تم دي.
د سند ايالت ځايي چارواکي وايي، په کښتۍ کې دېرش کسان سپاره وو، چې شل يې له سينده ژوندي را ايستلي دي.
د دوى په خبره، ياد مسافر د مېلې په هدف روان وو، چې د سند ايالت سيند کې يې کښتۍ ډوبه شوه.
د شپې د تيارې له كبله په سيند کې د ورکو شويو کسانو د موندلو هڅې له ستونزو سره مخ شوې او نن سهار يو ځل بيا د ورکو کسانو لټون پيل شوى دى.
