چارواکي وايي، نن د دوه نيمو بجو په شاوخوا کې د هلمند په مرکز لښکرګاه کې د موټر بم چاودنه شوې، چې په پايله کې يې ۲۷ تنو ته مرګ ژوبله اوښتې.
د هلمند د والي وياند عمر ځواک کليد ته وويل، چې په دې چاودنه کې ۶ تنه وژل شوي او ۲۱ تنه نور ټپيان دي.
ځواک زياته کړه، چې چاودنه د کابل بانک مخې ته پر هغو ملي اردو سرتېرو شوې، چې د معاشونو د اخيستلو لپاره ددغه بانک مخې ته په کتار کې ولاړ وو.
عيني شاهدان وايي، په چاودنه کې د افغان ځواکونو يو موټر ويجاړ شوی او لسګونه کسانو ته په کې مرګ ژوبله اوښتې ده.
ددغې چاودنې مسووليت تراوسه چا پر غاړه نه دی اخيستی.
