رپوټونه وايي، چې په هند كې د زلزلې ټکانونو خلک له کورونو وتلو ته اړ كړي او په ښارونو كې يې وېره خپره کړې ده.
د هند د ځمکپېژندنې ادارې چارواکو د زلزلې شدت د ريکټر په کچه پنځه اعشاريه اته ښودلى دى.
يادې ادارې ويلي، چې د زلزلې ټکانونه د نيمې دقيقې لپاره محسوسېدل.
تراوسه د ځاني او يا مالي زيانونو په اړه څه نه دي ويل شوي.
دا زلزله په داسې حال كې شوې، چې د جنوبي اسيا په ډېرى هېوادونو کې د ژمي واورو او باران ګڼ ځاني او مالي زيانونه اړولي دي.
