خوست کې له ۲۲۰ نجونو د قابله ګۍ او نرسنګ زده کړو کې د شاملېدو په موخه ازموينه واخيستل شوه.
د دغه ولايت دعامې روغتيا سرپرست ډاکتر ګل محمد محمدي وايي، له دې ډلې به پنځوس نجونې د دوه كلنو زده كړو د ترلاسه كولو لپاره جذب کړي.
ډاکتر محمدي زياتوي، چې دوه کاله وروسته به دغه نجونې د ولسواليو پر کلينکونو سربيره د مرکز په ځينو کلينکونو کې هم وګمارل شي.په نوموړې آزموينه كې يوه ګډونكوونكې نيسمه وايي، دوى به تر فراغت وروسته د مور او ماشوم د مړينې په کمښت کې تر ډېره اغېزمن رول ولوبوي، ځکه په وينا يي دوى له داسې سيمو دي، چې هلته ښځينه روغتيا پالې نشته.
خوست کې ۲۰۰۴ کال راهيسې د عامې روغتيا په چوکاټ کې ۲۳۲ نجونو ته د قابلکۍ او نرسنګ زده کړې ورکړل شوې دي، چې فارغې شوې نجونې دا مهال د مختلفو ولسواليو په روغتيايي مرکزونو کې دندې ترسره کوي او د ولادت پرمهال يې د مور او ماشوم له ژوند سره مرسته کړې ده.
