په کابل کې د هند سفارت ويلي د ټولو افغانانو لپاره يې د خپل هېواد د ويزې په ورکولو کې يو لړاسانتياوې رامنځته کړې دي. له دغه سفارته په خپره شوې خبرپاڼه کې راغلي، چې له دې وروسته د سياحت وېزې د يوه كال لپاره وركول كيږي او همدا راز د سوداګريزو اړيکو د لاپراختيا په خاطر افغان سوداګرو ته پنځه کلنې ويزې وركوي. د هند سفارت په داسې حال کې د ويزې په پروسه کې د اسانتياوو اعلان کړى چې تر دې مخکې يې پر افغانانو د ويزې د ورکړې په خاطر ځيني شرايط سخت کړي وو. په بانک کې تر زر ډالرو پورې د پيسو درلودل، د سفر علتونه او روغتيايي معاينات هغه څه وو چې ډيرى وخت يې خلک د ويزې په اخيستلو کې له ستونزو سره مخ کړي وو.
کلید ګروپ په ټویټر او فیسبوک کې وګورئ
