د ملي اردو چارواکي وايي، اچين ولسوالۍ کې يې د هوايي بريد له کبله دوه داعش وسله وال وژلي دي.
په ختيځ کې د ملي اردو د ۲۰۱ سېلاب قول اردو مطبوعاتي مسوول جګړن شيرين اقا فقيري کليد ته وويل، چې تېره شپه يې د اچين ولسوالۍ په باندر سيمه کې د داعش وسله والو په يوه پټنځای هوايي بريد کړی او پرمهال يې دوه داعش وسله وال وژلي دي.
نوموړی وايي، په دغه بريد کې ملکي خلکو ته هېڅ زيان نه دی اوښتی.
بل لور ته د ۲۰۱ سېلاب قول اردو وياند زياتوي، چې د څلورمې پلې لېوا منسوبينو په سرخرود او روداتو ولسوالۍ کې دوه کړۍ د وسايطو ماينونه مخکې له چاودنې کشف او خنثی کړي دي.
داعش وسله والو تر اوسه په دې اړه رسنيو ته څه نه دي ويلي.
